टाटा टेक्नॉलॉजी लिमिटेड, Science & Technology Park Pune approved by DST, Govt. of India व रयत शिक्षण संस्था यांच्यामध्ये सामंजस्य करार झालेला आहे. त्यानुसार तीन संस्थांच्या माध्यमातून संस्थेमध्ये खालीलप्रमाणे 4 ठिकाणी Center for Invention, Innovation and Incubation (CIII) केंद्रे उभारली जात आहेत.

रयत शिक्षण संस्था – टाटा टेक्नॉलॉजी – Science & Technology Park यांच्या मार्फत सुरु होत असलेल्या Center for Invention, Innovation and Incubation (CIII) ची उद्दिष्टे खालीप्रमाणे आहेत.

• नव उद्योजकांना ट्रेनिंग देणे.
• उच्च दर्जाच्या तंत्रज्ञानाचे मार्गदर्शन करणे (Skill level 8, 9, 10)
• स्टार्टअप साठी मदत करणे.
• नव उद्योजकांना को-वर्किंग स्पेस उपलब्ध करून देणे.
• नवनिर्मिती करणा-या उद्योजकांना मेंटरशिप देणे.
• नवसंकल्पना मांडणारे विद्यार्थी, उद्योजक, कारागीर यांना प्रोत्साहन व प्रोत्साहनपर आर्थिक मदत करून देणे.
• नवसंकल्पना मांडणारे विद्यार्थी व संशोधन आणि उद्योजक यांचेमध्ये समन्वय साधून देणे.
• नवसंकल्पना मांडणा-या विद्यार्थ्यांसाठी इनोव्हेशन्स प्रयोगशाळा उपलब्ध करून देणे व आर्थिक सहाय्यता करणे.
• Prototype उपकरणे तयार करण्यासाठी मार्गदर्शन करणे.
• Demo model व working model design करण्यासाठी साधनसामग्री कमीत कमी खर्चात उपलब्ध करून घेणे

भारत सरकारच्या NITI आयोगाद्वारे देशातील नवसंशोधन व इन्क्यूबेशनसाठी प्रोत्साहन देण्याकरिता विशेष योजना सुरु केलेली असून Atal Incubation Center ही योजना राबवली जात आहे. या योजनेतून जागतिक दर्जाचे इन्क्यूबेशन सेंटर उभी करण्याचा शासनाचा मानस असून या योजनेतही रयत शिक्षण संस्थेने पुढाकार घेतला असून संस्थेच्या कर्मवीर भाऊराव पाटील महाविद्यालय, वाशी आणि यशवंतराव चव्हाण इन्स्टिटयूट ऑफ सायन्स, सातारा या दोन महाविद्यालयांद्वारे अटल इन्क्यूबेशन सेंटर योजनेचे प्रस्ताव NITI आयोगाकडे सादर करण्यात आलेले आहेत.

संस्थेच्या विविध महाविद्यालयांमध्ये उपलब्ध असणारा उच्चशिक्षित व स्किल्स अंगी असलेला प्राध्यापक वर्ग, स्पेशलायझेशन, कॉलेजमधील साधनसुविधा, उपलब्ध संधी आणि गरजा यांचा विचार करून A+ ग्रेड असणा-या ६ महाविद्यालयांमध्ये सेंटर ऑफ एक्सलन्स सुरु करण्याचे नियोजन केले असून सायन्स, इंजिनीअरिंग, कला, बँकिंग, व्यवस्थापन, शेती, व्यापार इत्यादी क्षेत्रांतील प्रगत माहिती व प्रशिक्षण देणारे आणि त्या त्या क्षेत्रात प्रगत संशोधन करणारी केंद्रे स्थापन करण्याच्या दृष्टीने नियोजनबद्ध उपक्रम हाती घेण्यात आलेला आहे.

विद्यापीठ व उच्च शिक्षण संस्थांद्वारे संशोधनास चालना देण्यासाठी विद्यापीठ व आंतर विद्यापीठ स्तरावर संशोधन महोत्सवाचे आयोजन केले जाते. तथापि या उपक्रमामध्ये रयत शिक्षण संस्थेतील विद्यार्थी पुढे यावेत व भविष्यातील उत्तम संशोधन कार्य त्यांच्याकडून व्हावे याकरिता रयत अविष्कार संशोधन प्रकल्प ४० महाविद्यालयांमध्ये सुरु करण्यात आलेला आहे. या प्रकल्पामधून संस्थेच्या विविध महाविद्यालयांतील हुशार व संशोधन अभिवृत्ती असणा-या विद्यार्थ्यांना निवडून त्यांना प्रोत्साहन देण्याचे कार्य या प्रकल्पाद्वारे केले जात आहे. त्यासाठी संस्थेकडून महाविद्यालयांना रु.१००००/-ची आर्थिक मदत करण्यात येते.

विद्यापीठामार्फत घेण्यात येणा-या अविष्कार महोत्सवामध्ये जिल्हास्तरावर ३०, विद्यापीठ स्तरावर १७ विद्यार्थ्यांना पारितोषिक मिळालेली आहेत व राज्यस्तरीय अविष्कार स्पर्धेमध्ये ५ विद्यार्थी सहभागी झालेले आहेत.

संस्थेमार्फत रयत मध्यवर्ती अविष्कार प्रकल्प घेण्यात येतो. त्यामध्ये ४० महाविद्यालयातील विद्यार्थी व शिक्षक सहभागी होतात.

• संशोधन प्रकल्पासाठी मदत व मार्गदर्शन
• संशोधनासाठी पायाभूत सेवा-सुविधा
• तज्ञ मार्गदर्शकाद्वारे मार्गदर्शन
• प्रोत्साहनपर बक्षिसे व पारितोषिके
• रयत अविष्कार संशोधन कार्यशाळांचे आयोजन
• रयत अविष्कार संशोधन स्पर्धेचे आयोजन

संस्थेतील विविध इन्स्पायर स्कॉलरशिप मिळणारे विद्यार्थी व बी.एस्सी.भाग १, २ व ३ मधील गुणानुक्रमे प्रत्येकी १० विद्यार्थी निवडून अशा विद्यार्थ्यांना संशोधनाकडे वळवण्यासाठी रयत इन्स्पायर प्रकल्पांतर्गत समाविष्ट विज्ञान कार्यशाळा, व्याख्यानाचे कार्यक्रम, विज्ञान प्रदर्शन इत्यादीचे आयोजन करून मार्गदर्शन केले जात आहे. हा प्रकल्प संस्थेच्या २० महाविद्यालयांमध्ये सूरु आहे. या प्रकल्पाद्वारे पुढील कार्य केले जात आहे.

• विज्ञान विद्याशाखेची २० महाविद्यालये सहभागी
• १२ वी विज्ञान शाखेतील गुणवत्ताधारक विद्यार्थ्यांची निवड
• बी.एस्सी.भाग १ २ व ३ मधील गुणानुक्रमे आलेले विद्यार्थी
• विद्यार्थ्यांमध्ये संशोधनाची आवड निर्माण करणे
• विद्यार्थ्यांना संशोधनासाठी व्यासपीठ मिळवून देणे
• नवीन संशोधनाची ओळख करून देणे
• विद्यार्थ्यांसाठी विज्ञान कार्यशाळा, व्याख्यानाचे कार्यक्रम राबवणे, Models (Working Model, Demo Model) तयार करून घेणे, प्रकल्प तयार करणे
• संशोधन कार्यासाठी मदत व प्रोत्साहन
• इन्स्पायर प्रकल्पासाठी प्रत्येक महाविद्यालयास रु.१००००/- ची आर्थिक मदत

रयत शिक्षण संस्थेतील विद्यार्थी व प्राध्यापकांनी उत्तम दर्जाचे संशोधन करून पेटंट मिळविण्याइतपत उंचीचे संशोधन करावे यासाठी हा स्वतंत्र प्रकल्प सुरु करण्यात येत असून, विद्यार्थी व प्राध्यापकांनी Innovation Research and Incubation यांच्या माध्यमातून रयत शिक्षण संस्थेचा नावलौकिक वाढवावा आणि संशोधनाच्या माध्यमातून समाजासमोरील विविध प्रश्न आणि समस्यांची सोडवणूक करावी आणि रयत शिक्षण संस्थेतून पेटंटेबल (Patentable) संशोधन कार्य व्हावे. यासाठी प्रयत्न केले जाणार आहेत. या उपक्रमाचे स्वरूप पुढीलप्रमाणे आहे.

• नाविन्यपूर्ण तंत्रावर / संकल्पनावर संशोधन करणे
• समाजोपयोगी संशिधान कार्यास प्रोत्साहन देणे
• उद्योग व व्यापार क्षेत्रास नवीन ज्ञान व तंत्रज्ञान उपलब्ध करून देणे
• पेटंटच्या दर्जाचे संशोधन कार्यास चालना देणे
• पेटंट फायलिंगसाठी मदत व अर्थसहाय्य करणे

रयत शिक्षण संस्थेच्या शतक महोत्सवी वर्षानिमित्त विविध नाविन्यपूर्ण प्रकल्प संस्थेमार्फत राबविण्यात येत आहेत. रयत विज्ञान परीषदेचा एक भाग म्हणून रयत शिक्षण संस्थेच्या विद्यालय, उच्च माध्यमिक, कनिष्ठ महाविद्यालय, द्विलक्षी अभ्यासक्रम, औद्योगिक प्रशिक्षण संस्था व महाविद्यालयातील सर्व विद्यार्थ्यांकडून व्यावहारिक जीवनामध्ये उपयोगी पडतील अशा पद्धतीच्या आयडिया (संकल्पना) मागविण्यात येत आहेत.

व्यावहारिक जीवनामध्ये उपयोगी पडतील अशा नाविन्यपूर्ण आयडिया (संकल्पना) संस्थेच्या तज्ज्ञ कमिटीकडून छानणी करून गुणानुक्रमे निवडण्यात येतील. त्यानुसार निवडलेल्या विद्यार्थ्यांच्या आयडियासाठी संस्थेच्या Seed capital मधून आर्थिक मदत देण्यात येईल. तसेच सदर विद्यार्थ्याला त्याची आयडिया संस्थेच्या Innovation Centre च्या माध्यमातून विस्तार करून पूर्णत्वास नेण्यात येईल व त्याचे पेटंट मिळविण्यापर्यंतची मदत करण्यात येईल.